'స్టార్' లీడర్

ఓ చేతిలో ఘనమైన పట్టా

ఓ  చేతిలో గణాంకాల చిట్టా

లోకల్ జనపత్తాలేని లోక్ సత్తా

పొరుగికి విస్తరిస్తే ఏముందీ కొత్త

దువ్వడూ దువ్వించుకోడు

వర్తమానం పంపితే వెంకన్నే ఎదురొస్తాడు

చిటికేస్తే మన కనుమూరి చిత్తమంటాడు
కాలి నడకతో వన్నె తెచ్చుకున్న బాటసారి
జన సన్నిధిలో శభాష్ ఆర్.బి.ఐ దువ్వూరి

ఛీ లచ్మి

సివిల్స్ లో నెగ్గుకొచ్చిన ఓ రాణి 

సీటులో ఒదిగి ఏమిటి నీ బాణి

ఎస్ యూ ఆర్ ఏ ఐ.ఏ.ఎస్

ఆర్ యూ సరండర్ టు వై.యస్

చిదంగరం

చిందరవందరగా కట్టడు ఎప్పుడూ లుంగీ

చిందులేయించాడు ఆంధ్రాలో వున్నట్టుండి

మిళ మిళ మెరిసిపోతూ వుంటుంది తన అంగీ

కళంకుడివై 2Gని కాకెంగిలి గానీ చేశావా తంబీ

స్లోనియా

వ్యక్తిగత అనారోగ్యం సరే గోప్యం

వ్యక్తుల మధ్య విభేదాలికి ఆజ్యం

తెగేసి చెప్పేయి రాదు ఎందుకీ జాప్యం
తెలంగాణాకి వుందోలేదో రాజపూజ్యం

ప్రాంతీయుడు

ఉద్యమానికి వూపిరి ఇచ్చావు

ఉస్మానియాకి పిచ్చి వూపిచ్చావు

సూటి పోటి వినసొంపు నీ వాక్కు
సూటిగా దిక్సూచై  చెబుతోంది నీ ముక్కు

శక్తిహీనమాన్

పదవి ఫాస్ట్ ఫుడ్ అనుకుని పరిగెత్తాడు

వెదవది  వేస్ట్ అనుకుని వూరుకున్నాడు 

నీకంటూ శాశ్వతంగా వుండాలి జగన్

ఇడుపులపాయలో ఓ ఓదార్పు భవన్

ఆంధ్రా రోశన్

వై.ఎస్.ఆర్ పోతూ కిరీటం పెట్టాడు 

జగన్ వస్తూ కిరీటం నెట్టాడు

సొంతింటిలో రోశయ్యకు శోషొచ్చింది
పొరుగింటికి పంపి సోనియా శ్వాసిచ్చింది

లక్ష్మీ బావ

గని నాయకుల సంపదపై 

సైనికుడై కన్నేసిన సి.బి.ఐ.

లక్ష్యం తో వస్తాడు జేడి

లక్షణంగా వేస్తాడు బేడి

గాలి వాటం

గాలి కొదిలేసిన సంపదను

గాలించి గనుడయ్యావు

అంచలంచలుగా చక్రం తిప్పి

చంచలగూడాలో  చతికిలబడ్డావు

కామి నిత్యానింద

బాబాగా బజారు అవతారం 

బలహీనతల బలత్కావతారం

ఇండియాకి ముడి సరుకు 

మీడియాకి మురికి సరుకు

అవే కళ్ళు

కన్ను మూస్తే కల

కన్ను తెరిస్తే సెగ
కే.సీ.ఆర్ నీ దుంప తెగ 
ఎందుకంట నా పై పగ

ప్రజా జాడ్యం

తెరాసాకి  చిన్నజీవి 

 కాంగ్రెస్కి  పెద్దజీవి 

విలీనంతో విలువలు తుష్ 

కలల పీఠంతో  దిల్కుష్ !!